Wednesday, February 9, 2011

'मोठं' होणं.

'मोठं' होणं म्हणजे नेमकं काय??
डोळ्यांमधली चमक हरवत जाणं,
सौंदर्याचं लेणं हळूहळू झिजत जाणं,
जाणाऱ्या प्रत्येक क्षणासोबत
कणाकणाने विकल होत जाणं,
की एका एका गात्रासोबत स्वतःच
नकळत विझत जाणं;
'मोठं' होणं म्हणजे नेमकं काय?
तुरुंगातल्या कैद्यासारखी अशी
एकाकी होरपळ,
म्हणजे 'मोठं' होणं..?
की कोणत्याही बदलांना स्वीकारण्याची
तयारी नसलेल्या शरीर-मनाची
सतत समजूत काढून
येणारी मरगळ,
म्हणजे 'मोठं' होणं..?
खरंच 'मोठं' होणं म्हणजे नेमकं काय??
जाणवत राहतात सतत, 
आतून गोठलेल्या भावनांचे
विलग होत जाणारे पदर,
आणि जाणवत राहतात
अखेरचे उरलेले काही श्वास
वार्धक्याच्या शेवटच्या पायरीवर..
जिवंतपणीच भुतं होऊन
स्वतःच स्वतःला घाबरत
जगत राहतो आपण,
'मोठं' होऊन;
किंवा अशा जगण्यालाच घाबरत
हरत हरत मारत राहतो आपण,
'मोठं' होऊन..!!
तारुण्याच्या उंबरठ्यावर,
बालपणाची शेवटची पायरी ओलांडताना
'मोठं' व्हायचं,असं स्वप्न होतं.
'असं' व्हायचं,हे नव्हे!
आता अधाशी डोळ्यांनी
आपलाच भूतकाळ पहायचा,
आणि 'मोठे'पणाच्या भीतीने
झरणारे डोळे चटकन पुसून टाकायचे,
'लहानपण' म्हणजे नेमकं काय??
याचा विचार करत..!!

-स्पृहा.

6 comments:

  1. awesome! faar sundar kavita ahet...i wasn't aware that u maintained a blog...atach mazya blogroll var add karto!

    http://hardikkothare.blogspot.com/

    ReplyDelete
  2. शांततेच्या शोधात एक एक दिवस ढकलतेय.
    खरयापासून लांब,लांब पळतेय.
    पुढचा रस्ता..धुक्यात हरवताना बघतेय.
    सगळं असंच संपायचं होतं,
    तर मग 'ती' सुरुवात तरी का..?

    Hi.. Spruha... ya

    ReplyDelete