खूण

एक पाकोळी भिरभिर करी 
अंधार हसे मन तळात,
घेण्या विसावा चार क्षणांचा 
रात टेकली जरा कोन्यात..

दूर रेंगाळे पहाट ओली 

Thanks to Divya.. She is unknown but loved this painting!

प्राजक्त देही जरा वाकला,
जुने तरंग शांत होताना 
डोहाने नवा डाव मांडला. 

खेळ संपला पांगले सारे 
आता एकटा जीव उरला,
सोबती आता अंधार त्याचा
मन तळाशी पुन्हा हसला.. 

असेच सारे विरून जावे 
नकोच पुन्हा कालचे ऋण,
धुक्यात निळ्या कोरून द्यावी 
काल रातीची हळवी खूण !!!

- स्पृहा.