Thursday, June 18, 2015

अवॉर्ड्स

काही महत्त्वाचे अवॉर्ड्स

  • २००३ साली मा. राष्ट्रपती डॉ. ए.पी.जे. अब्दुल कलाम यांच्या हस्ते 'बालश्री' या राष्ट्रपती पुरस्काराने सन्मानित.
  • कुसुमाग्रज पुरस्कार - श्री अक्षरग्रंथ प्रकाशन.
  • चित्रपदार्पण पुरस्कार २०११ ( मोरया- सर्वोत्कृष्ट सहय्यक अभिनेत्री).
  • झी मराठी अवोर्ड २०१२ ( सर्वोत्कृष्ट  व्यक्तिरेखा - रमाबाई, सर्वोत्कृष्ट जोडी - रमा - माधव).
  • ईचलकरंजी पत्रकार संघ - विशेष कलागौरव पुरस्कार २०१२.
  • आचार्य अत्रे पुरस्कार २०१३.
  • मिरची म्युझिक अवॉर्ड - बेस्ट अपकमिंग लिरिसिस्ट (बावरे प्रेम हे) 2014.
  • गोदरेज फेस ऑफ द इयर 2013.
  • झी नाटयगौरव 2014 - बेस्ट नँचरल परफॉर्मन्स ऑफ द इयर - नाटक - समुद्र.
  • अखिल भारतीय मराठी नाटयपरिषद पुरस्कार - सर्वोत्कृष्ट अभिनेत्री 2014 - समुद्र.

Saturday, June 13, 2015

पाऊस

बरंच काही,
आपण मागायच्याही आधी
पाऊस देऊन जातो..
सांडून जातो धुवांधार
आसुसलेलं, थबकलेलं
बरंच काही.
मोकळं मोकळं करून जातो..
पाऊस सांगत नाही
त्याच्या मनातलं यायच्या आधी,
पण आपल्या मनातलं
सारं काही शहाण्यासारखं समजून घेत
हवं तेव्हा, हवा तसा
आपल्यासाठीच भरून येतो..
निवळशंख पाणी
एक थेंब, दोन थेंब..
आभाळभर रांगच रांग;
पुन्हा थेंब, त्यात पाऊस..
नितळ नितळ करत जातो,
बरंच काही,
आपण मागायच्याही आधी
पाऊस देऊन जातो..

स्पृहा

Thursday, June 11, 2015

A Paying Ghost Film Music Launch Photos

At the A Paying Ghost Music Launch

** Click on photo to expand it.






बावरे प्रेम हे बावरी प्रीत ही

बावरे प्रेम हे बावरी प्रीत ही
सावली सांज ही, ये तशी लाजुनी
गुंतला जीव माझा, थांग ना या नभाचा
साद ये कोठुनी? धुंद वेड्या मनी..!

आस ही या मनी आज का जागली
ही मिठी रेशमी धुंद वेडावली
जीव होई तुझा श्वास सारे तुझे
दूर तू का तरी भास सारे तुझे
बावरे प्रेम हे बावरी प्रीत ही..

गुज हे लाजरे उमलली पाकळी
चांदवा माळूनी वाट झाली खुळी
स्पर्श होता तुझा हरपले भान हे
सोबतीने तुझ्या रान गंधाळले
बावरे प्रेम हे बावरी प्रीत ही..


Movie : Baavare Prem He
Singer : Bela Shende & Hrishikesh Ranade
Music : Ajay Kishor Naik
Lyrics : Spruha Joshi